Литературна манифестација во чест на Тоде Илиевски во Охрид

2026-03-07 - 07:46

Во Големата сала на Општина Охрид, денеска ќе се одржи „Литературната манифестација во чест на Тоде Илиевски“, посветена на охридскиот поет, есеист, книжевен критичар, енигматичар и шаховски проблематист. Манифестацијата е дел од Програмата за култура на Општина Охрид, а во нејзини рамки ќе бидат прогласени и победниците од Конкурсот за најдобра необјавена песна за деца „Тоде“. Организаторите информираат дека настанот има за цел да му оддаде почит на творештвото и придонесот на Тоде Илиевски, кој остави значаен белег во книжевноста за деца, како и во културниот живот на Охрид, Македонија и пошироко. Манифестацијата се организира со поддршка од Општина Охрид.