„Магичната флејта на Вулфи“ не води до визбата на неговиот татко, каде Вулфи ќе ја пронајде волшебната флејта

2026-02-22 - 14:16

Во книжарницата „Литература“ во „Дајмонд мол“ се одржа промоција на втората од петте книги за деца од серијалот „Музичка кутија“, на авторката Тина Иванова. На настанот беше промовирана книгата „Магичната флејта на Вулфи“, по што следувапе камерна претстава за деца. Промоцијата почна со кус разговор помеѓу уредничката на изданијата, Бисера Бендевска, и авторката Тина Иванова, преку кој беше претставена сликовницата. По разговорот, претставата е збогатена со изведба на дела на пијано и флејта од славниот Волфганг Амадеус Моцарт. „Магичната флејта на Вулфи“ раскажува за малечкиот, пргав и љубопитен Вулфи, чија истражувачка мисија го води до визбата на неговиот татко, каде ќе ја пронајде волшебната флејта. Токму таа ќе му помогне да го развие својот музички талент. Книгата е илустрирана од Рената Јосифовска. Книгите се во издание на „Арс Ламина“ во едицијата „Либи“.