Во Шкотска уапсени две лица поради провалување во база на Воената морнарица каде се чува нуклеарно оружје

2026-03-20 - 14:44

Две лица се уапсени во Шкотска откако се обиделе да влезат во база на Воената морнарица каде што се складира нуклеарно оружје. Полицијата соопшти дека 31-годишна жена и 34-годишен маж се обиделе да влезат во базата Клајд во Хеленсбург во четвртокот попладне. Таа база, позната и како Фаслејн, е една од трите бази на Кралската морнарица во кои се сместени и подморници што носат нуклеарно оружје. Уапсениот маж, според британски медиуми, е ирански државјанин. Кралската морнарица го потврди апсењето.