Општина Гази Баба ќе субвенционира стерилизирање на домашни миленици

2026-02-19 - 11:15

Општина Гази Баба објави јавен повик за субвенционирање на стерилизацијата на домашни миленици. Локалната самоуправа целосно ќе ги надомести трошоците, но тие најмногу треба да изнесуваат 6.000 денари по миленик, а право на учество имаат жители на општина Гази Баба кои ќе достават комплетна документација. За да аплицираат, жителите треба да поднесат документација дека миленикот да е регистриран и чипиран, со валиден пасош, стерилизацијата да е извршена во регистрирана ветеринарна установа на територија на општината и да има доказ за извршена уплата. Барањата се поднесуваат во затворен плик во архивата на Општината, секој работен ден од 07:30 до 16:30 часот.