Пожар во куќа на Водно

2026-03-06 - 12:07

Утрово избувна пожар во станбен објект во елитната скопска населба Водно. Според првичните информации, станува збор за куќа, а на местото на настанот веднаш пристигнале екипи на Противпожарната бригада на Град Скопје. Засега нема информации за повредени лица. Причината за настанување на пожарот, како и висината на материјалната штета, допрва ќе се утврдуваат по завршување на интервенцијата и извршениот увид.