Србија парализирана од снежно невреме

2026-02-17 - 11:59

Снегот што ја зафати Србија предизвика сериозни проблеми во сообраќајот во повеќе региони. На одредени делници има судири, заглавени камиони, паднати дрвја и одрони, додека видливоста е значително намалена. Во текот на ноќта наврнале околу 20 сантиметри снег на подрачјето на Чајетина, Ужице и Бајина Башта во Србија, а сите расположливи екипи се на терен и работат на расчистување на патиштата според приоритети, објави „Србијан тајмс“. – Снегот на Златибор паѓа од полноќ. Во моментов на терен се 18 камиони и четири грејдери. Забрането е движење за шлепери. Патиштата од прв приоритет ги одржуваме проодни – изјавија од „Патишта Ужице“. #Repost @hailz_srbija Trenutno stanje u višim delovima centralne gradske zone Beograda. Sneg jakog intenziteta je brzo prekrio puteve. Sneg se spustio nisko i u ostatku centralnog pojasa Srbije. 17. 2. 2026. pic.twitter.com/mU3PfIxnYA — Željko Kisa (@ZeljkoKisa) February 17, 2026 Поради снежните врнежи, сообраќајот се одвива отежнато, па на возачите им се советува зголемена внимателност. – Се разбира, без зимска опрема да не се тргнува на пат. Снегот е влажен и лизгав. Важно е да се држи растојание и да не се прават нагли промени на брзината и насоката на движење – велат од „Патишта Ужице“.