Традиционални танци, храна и интерактивни работилници дел од „Кинески пролетен фестивал“

2026-02-24 - 08:07

Традиционални танци, храна и интерактивни работилници се дел од денешниот настан „Кинески пролетен фестивал“, чија цел, како што појаснија организаторите, е доближување на богатата кинеска култура и традиција до учениците. Настанот е во организација на Меѓународното училиште НОВА – Скопје, Амбасадата на Народна Република Кина во Македонија и Институтот „Конфучие“. Предвидено е обраќања да имаат амбасадорката Џијанг Сјаојан и директорот на училиштето, Иван Новаковски.