Вучиќ: Сојузот на Тирана, Приштина и Загреб е опасен за Црна Гора, би ја распарчиле преку воена интервенција

2026-03-16 - 15:37

Српскиот претседател, Александар Вучиќ, изјави дека воениот сојуз на Косово, Албанија и Хрватска, освен што е закана за Србија, е опасен и за Црна Гора. Како што истакна Вучиќ, тие би ја распарчиле Црна Гора преку воена интервенција. Според српскиот претседател, Приштина би го добила Санџак, Тирана територијата до Тузи, а Загреб крајбрежните градови до Улцињ. Вучиќ додаде дека за такво нешто се очекува вистинскиот момент, а според него, тој момент се чека кога ќе има војна меѓу ЕУ и Русија.