Јокиќ вториот играч со најмногу трипл-дабли во историјата на НБА

2026-02-08 - 07:58

Центарот на Денвер, Никола Јокиќ, постигна трипл-дабл на натпреварот против Чикаго и му помогна на својот тим да дојде до победа со 136:120. Српскиот кошаркар мечот го заврши со 22 поена, 14 скока и 17 асистенции за 33 минути поминати на теренот. Овој трипл-дабл беше 182-ри во НБА кариерата на 30-годишниот Јокиќ. Со тоа, тој се искачи на второто место во историјата на лигата по постигнати тројни ефекти, надминувајќи го Оскар Робертсон. Прв на списокот е кошаркарот на Сакраменто кингс, Расел Вестбрук со 207 трипл-дабл учиноци.